ఒక కుమ్మరి వాడు బండి నిండా కుండలు కట్టుకుని అలా వెళ్తున్నాడు. దారిలో ఒక కుండ జారిపడిపోయి దొర్లుకుంటూ ఒక ఆడవిలోకి వెళ్లిపోయింది. అటు వైపుగా ఎగురుకుంటూ వెళ్తున్న ఈగ ఒకటి అరే ఈ మట్టి ఇల్లు భలేగా ఉందే అనుకొని అందులోకి వెళ్లింది. కాస్పేపటికి ఒక దోమ వచ్చి ఈ బుల్లి మట్టి ఇల్లు భలేగా ఉందే దీనిలో ఎవరున్నారు అనుకుని లోపిలికి వెళ్లింది. అందులోంచి ఈగ వచ్చి నువ్వెవరు అని అడిగింది నేను జుమ్మని ఎగిరే దోమను నాక్కూడా నీ ఇంట్లో చోటివ్వవా? అనడగ్గా సరే అంది. తరువాతి రోజు ఒక కప్ప వచ్చింది నువ్వెవరు అని ఈగ అడుగగా నేను బెకబెకలాడే కప్పను నీ ఇళ్లు భలేగా ఉంది నన్ను కూడా ఉండనివ్వవా అని అడిగింది. సరేనంది ఈగ. ఆ తర్వాతి రోజు ఒక చెవుల పిల్లి వచ్చింది. ఎవరు నువ్వు అని ఈగ అడగ్గా నేను చెంగు చెంగున ఎగిరే చెవుల పిల్లిని. నాకు కూడా కొంచెం చోటివ్వరా? అని అడిగింది సరేనన్నాయి ఆ ఇంట్లో ఉంటున్న జంతువులు. ఆ తర్వాత ఒక ఎలుగు బంటి వచ్చింది. అరే భలే ఉందే ఈ బుల్లి మట్టి ఇల్లు ఎవరున్నారు ఈ ఇంట్లో అని అడిగింది. లోపల నుండి ఈగ, దోమ, కప్ప, చెవులపిల్లి బయటికి వచ్చి సరే నువ్వు కూడా మాతో పాటే ఉండు అన్నవి. అందుకు ఆ ఎలుగుబంటి ఇంట్లో నాకు చోలు చాలదు కదా. నేను ఇంటి పైన ఉంటాను అని ఒక కాలు ఆ కుండ మీద వేసింది. అంతే ఠపీమని ఆ కుండ ఇల్లు పగిలి పోయింది. అయ్యో అనుకుని అందులోని జంతువులన్నీ ఎక్కడివక్కడికి ఎగిరిపోయాయి.