భారత అంతరిక్ష ప్రయోగ కేంద్రమైన నెల్లూరు జిల్లా శ్రీహరికోటలోని సతీశ్‌ ధవన్‌ స్పేస్‌ సెంటర్‌ షార్‌ నుంచి సోమవారం ఉదయం 9.12 గంటలకు పొలార్‌ శాటిలైట్‌ లాంచ్‌ వెహికల్‌-సి35 నింగిలోకి దూసుకెళ్లనుంది. వాహకనౌక ఎనిమిది ఉపగ్రహాలను నింగిలోకి మోసుకెళ్లనుంది. ఇందులో ఇస్రోకు చెందిన స్కాట్‌శాట్‌-1, అల్జీరియాకు చెందిన మూడు, కెనడా, అమెరికాకు చెందిన ఒక్కొక్క ఉపగ్రహం ఉంది. వీటితోపాటు ముంబయి ఐఐటీకి చెందిన ప్రథమ్‌, బెంగళూరులోని పీఈఎస్‌ విశ్వవిద్యాలయానికి చెందిన పీశాట్‌ ఉపగ్రహాలు ఉన్నాయి.