కావలిసిన పదార్ధాలు
గోధుమ పిండి - ఒకటిన్నర కప్పు
మెంతి కూర తరుగు - ముప్పావు కప్పు
మజ్జిగ - కలపడానికి సరిపడా
ఉప్పు - తగినంత
పసుపు - చిటికెడు
జీలకర్ర - అర టీ స్పూను
గరం మసాలా - ఒక స్పూను
నూనె - సరిపడా
తయారీ విధానం
ముందుగా ఒక గిన్నెలోకి గోధుమపిండి తీసుకుని, దానిలో మెంతికూర, మజ్జిగ తప్ప మిగతావన్నీ వేసి బాగా కలపాలి. ఒక బాణలిలో నూనె వేసి మెంతికూరను పచ్చి వాసన పోయే వరకూ వేయించాలి. ఈ వేయించిన మెంతికూరను పైన కలిపిన పిండి మిశ్రమంలో వేసి కలిపి, మజ్జిగ పోసి ముద్దలా చేయాలి. ఈ ముద్దను చిన్న చిన్న ఉండలుగా చేసుకుని చపాతీల్లా ఒత్తుకుని పెనం మీద నూనె వేసి కాల్చుకోవాలి. ఇవి ఆరోగ్యానికి మంచివి. రుచికి చక్కనివి.