బ్రెడ్‌ ఓపెన్‌ టోస్ట్‌
కావలిసిన పదార్ధాలు
బ్రెడ్‌ ముక్కలు - రెండు
వెన్న - రెండు స్పూన్లు
లెట్యూస్‌ లీవ్స్‌ - రెండు
కూరగాయ ముక్కలు - కావలిసినన్ని
టొమాటో - ఒకటి
కొత్తిమీరా - కొద్దిగా
పచ్చి బఠానీ - రెండు స్పూన్లు
మష్రూమ్స్‌ - కొద్దిగా
స్వీట్‌ కార్న్‌ గింజలు - కొద్దిగా
తయారీ విధానం
బ్రెడ్‌ ముక్కలకు వెన్న పట్టించి పక్కన ఉంచాలి. కూరగాయలూ, టొమాటోలూ, పుట్టగొడుగులూ సన్నగా తరిగి పక్కన పెట్టుకోవాలి. తరువాత ఒక బాణలిలో కొద్దిగా వెన్న వేసి దానిలో పైన తరిగి ఉంచిన ముక్కలన్నింటినీ ఫ్రై చేయాలి. ఆ తరువాత పచ్చి బఠానీలు, స్వీట్‌ కార్న్‌ గింజలు కూడా వేసి బాగా వేయించాలి. తరువాత వెన్న రాసిన బ్రెడ్‌ ముక్కల్లో ఒకదాన్ని తీసుకుని దాని మీద లెట్యూస్‌ ఆకు ఉంచి దాని మీద ఫ్రై చేసిన కూరగాయల మిశ్రమాన్ని ఉంచి దాన్ని మరో బ్రెడ్‌తో కవర్‌ చెయ్యాలి. అంతే పిల్లలకి ఇష్టమైన స్నాక్‌ ఐటం రెడీ.