మంచి జోడీగా గుర్తింపు పొందిన దుల్కర్‌ సల్మాన్‌, నిత్యా మేనన్‌ నటించిన 'జతగా' చిత్రం సెన్సార్‌ పూర్తి చేసుకుంది. మలయాళంలో జాతీయ అవార్డులు పొందిన 'ఉస్తాద్‌ హోటల్‌'ని 'జతగా' అనే టైటిల్‌తో తెలుగులో అందిస్తున్నారు. అన్వర్‌ రషీద్‌ దర్శకత్వం వహించిన ఈ చిత్రాన్ని ఎస్‌.కె. పిక్చర్స్‌ పతాకంపై సురేష్‌ కొండేటి నిర్మించారు. ఈ చిత్రం సెన్సార్‌ కార్యక్రమాలు హైదరాబాద్‌లో పూర్తయ్యాయని, సెన్సార్‌ చిత్రానికి యు/ఎ సర్టిఫికెట్‌ ఇచ్చి అభినందించిందని చిత్ర బృందం తెలిపింది. త్వరలో 'జతగా'ను ప్రేక్షకుల ముందుకు తీసుకువస్తున్నట్లు పేర్కొంది.