కొన్ని పాత్రలు కొందరు నటుల కోసమే పుడతాయి. జానపద, పౌరాణికాల్లో ఎస్వీఆర్‌, ఎన్టీఆర్‌లాంటి మహా నటులను మించినవారు లేరనడంలో అతిశయోక్తి లేదు. నేటితరంలో అలాంటి పాత్రలు చేయగలిగిన అతికొద్ది మంది నటుల్లో నందమూరి బాలకృష్ణ ఒకరు. కథ, పాత్ర నచ్చితే ఎలాంటి ప్రయోగం చేయడానికైనా ఆయన ఎప్పుడూ సిద్ధంగా ఉంటారు. బాలకృష్ణ కథానాయకుడిగా దర్శకుడు క్రిష్‌ ప్రతిష్ఠాత్మకంగా తెరకెక్కిస్తున్న చిత్రం 'గౌతమిపుత్ర శాతకర్ణి'. రెండో శతాబ్దానికి చెందిన గౌతమిపుత్ర శాతకర్ణి జీవితం ఆధారంగా రూపొందిస్తున్న ఈ చిత్రంలో బాలకృష్ణ రాజసం ఉట్టిపడేలా ఉన్న ఫొటోను చిత్ర బృందం శనివారం విడుదల చేసింది.