పోలీసులు వేగంగా స్పందించడంతో దొంగతనానికి పాల్పడిన మహిళలు అరెస్టయ్యారు. వారి నుంచి 400 బహ్రెయినీ దినార్స్‌ విలువైన ఆభరణాల్ని రికవర్‌ చెయ్యగలిగారు. ఆసియాకి చెందిన ఓ జ్యుయెలరీ వ్యాపారి నుంచి మహిళలు తెలివిగా ఆభరణాల్ని కాజేశారు. సిసిటివి ఫుటేజిని పరిశీలించాక, దొంగతనానికి పాల్పడిన మహిళల్ని గుర్తించగలిగారు. వారు షాపు నుంచి వెళ్ళిన కాస్సేపటికే దొంగతనం జరిగిందని తెలుసుకున్న షాపు యజమాని పోలీసులకు ఫిర్యాదు చేశారు. దాంతో పోలీసులు రంగంలోకి దిగి, సిసిటీవీ ఫుటేజిని పరిశీలించి, మహిళల్ని గుర్తించారు. దొంగతనానికి పాల్పడ్డ మహిళలంతా ఒకే కుటుంబానికి చెందినవారు. సిట్రాకి చెందిన వారిని పోలీసులు అదుపులోకి తీసుకున్నారు. దొంగతనాలు ఆ మహిళలకు అలవాటేనని గతంలో పలు కేసుల్లో వీరు అరెస్టయ్యారని పోలీసులు తెలిపారు. సిసిటివి రికార్డుల ద్వారానే దొంగల్ని పట్టుకోడానికి వీలయ్యిందనీ, దుకాణదారులెవరైనాసరే వాటిని అమర్చుకోవడం తప్పనిసరి అని పోలీసులు సూచించారు.