గత కొంతకాలంగా నటుడు కార్తి పండుగ సీజన్లనే టార్గెట్‌ చేస్తున్నారు. ప్రస్తుతం ఆయన నటించిన 'కాష్మోరా' సినిమా దీపావళి కానుకగా విడుదలకు సిద్ధమవుతోంది. తెలుగు, తమిళ భాషల్లో ఏకకాలంలో విడుదల చేయనున్నారు. సినిమాకు సంబంధించిన టీజర్‌, ఫొటోలు 'బాహుబలి' మాదిరిగా కనిపిస్తుండటంతో ప్రేక్షకులు కూడా ఆసక్తిగా ఎదురుచూస్తున్నారు. మరోవైపు ఇటీవల నయనతారకు సంబంధించిన ఫొటోలను కూడా విడుదల చేసి మరింత ఆసక్తిని పెంచింది చిత్రయూనిట్‌. విదేశాల్లో విడుదలకు సంబంధించిన పనులు ప్రస్తుతం శరవేగంగా సాగుతున్నాయి. అమెరికాలో తెలుగు, తమిళ భాషల్లో విడుదల చేసే హక్కులను సినీ గెలాక్సీ సంస్థ మంచి ఫ్యాన్సీ నెంబరుకు సొంతం చేసుకున్నట్లు సమాచారం.