నగరంలోని పాతబస్తీ శాలిబండలో మంగళవారం భారీ అగ్ని ప్రమాదం సంభవించింది. గోమతి ఎలక్ట్రానిక్స్‌ షోరూంలో ఈ ప్రమాదం జరిగింది. మంటలు ఎగసిపడుతుండడంతో చుట్టుపక్కల వాళ్లు భయంతో రోడ్లపైకి పరుగులు తీశారు. సమాచారం అందుకున్న పోలీసులు, ఫైర్‌ సిబ్బంది సంఘటనా ప్రదేశానికి చేరుకుని మంటలను అదుపులోకి తీసుకువచ్చారు. భారీగా ఆస్తి నష్టం సంభవించినట్లు ప్రాథమిక సమాచారం. ప్రమాదానికి గల కారణాలు తెలియరాలేదు. పోలీసులు కేసు నమోదు చేసి దర్యాప్తు చేపట్టారు.