ఎక్కువగా నిద్ర పోతుంటే బద్దకం, సోమరితనం అబ్బుతాయని పెద్దవాళ్లు తిడుతూ ఉంటారు. కానీ ఇప్పుడు ఎక్కువ నిద్ర కూడా మేలు చేస్తుందట. ఎక్కువగా నిద్రపోవడం వల్ల మతిమరుపుకు దూరంగా ఉండొచ్చంట. అతి నిద్ర వల్ల మెదడు, నాడీసంబంద సమస్యల్ని అధిగమిస్తుందనీ, తద్వారా మతిమరుపు వచ్చే అవకాశాలు తగ్గుతాయనీ తాజా అధ్యయనాల్లో తేలింది. మెదడులోని అనుసంధానాల్ని బలోపేతం చేసేందుకు నిద్ర ఉపకరిస్తుందనీ, అందువల్ల ఎక్కువగా నిద్రపోవడం మంచిదేనని చెప్తున్నారు శాస్త్రవేత్తలు. నిద్రలో మెదడు తనకి అవసరమైన విషయాల్నీ, జ్ఞాపకాలనూ భద్రపరుస్తుందనీ, అవసరం లేని సమాచారాన్ని తొలగిస్తుందనీ తాజాగా చేసిన ప్రయోగాల్లో తేలింది. మరింకేం టైం చూసుకుని ఎక్కువగా నిద్రపోవడానికి ఉపక్రమించండి మరి.