కావలిసిన పదార్ధాలు 

పన్నీర్‌ - ఒక కప్పు 

పాలకూర - ఒక కట్ట 

జీలకర్ర పొడి - అరచెంచా 

గోధుమ పిండి - కప్పు 

వెన్న - అరకప్పు 

నిమ్మరసం - అరచెంచా 

పచ్చి మిర్చి - రెండు 

ఉప్పు - తగినంత 

తయారీ విధానం 

గోధుమ పిండిలో తగినంత ఉప్పు వేసి, నీళ్లతో కలిపి చపాతీ పిండిలా చేసి పెట్టుకోవాలి. తరువాత పన్నీర్‌ను, పాలక్‌ను సన్నగా తరిగి బాణలిలో కొద్దిగా నూనెగానీ, వెన్న గానీ వేసి పచ్చి వాసన పోయే వరకూ ఫ్రై చేసుకోవాలి. దానిలోనే తగినంత ఉప్పు, పచ్చిమిర్చి ముక్కలూ, జీలకర్రపొడి, నిమ్మరసం వేసి కలపాలి. చపాతీ పిండిని చిన్న చిన్న ముద్దల్లా తీసుకుని చపాతీలా ఒత్తుకుని, పెనం మీద వెన్న వేసి, సగం కాల్చి పెట్టుకోవాలి. దాని మధ్యలో పైన కలిపిన పనీర్‌ మిశ్రమాన్ని ఉంచి రోల్‌లా చేసి మళ్లీ పెనం మీద వెన్న వేసి బ్రౌన్‌ కలర్‌ వచ్చే దాకా ఫ్రై చేసి తీయాలి. ఇలా చేసిన రోల్స్‌ను టోమాటో సాస్‌తో కలిపి తింటే రుచిగా ఉంటాయి.