కువైట్‌: కువైట్‌కి చెందిన ప్రముఖ నటుడ్ని డ్రగ్స్‌ కేసులో అరెస్ట్‌ చేశారు. 'బిగ్‌ డ్రగ్స్‌ సప్లయర్‌'గా మినిస్ట్రీ ఆఫ్‌ ఇంటీరియర్‌ ఆ నటుడ్ని అభివర్ణిస్తోంది. నటుడు, నిర్మాత కూడా అయిన అదెల్‌ ముసల్లమ్‌, దేశంలోకి అక్రమంగా డ్రగ్స్‌ని ఇంపోర్ట్‌ చేసి, వాటిని మళ్ళీ డిస్ట్రిబ్యూట్‌ చేస్తూ రెడ్‌ హ్యాండెడ్‌గా దొరికిపోయాడు. విశ్వసనీయ వర్గాల సమాచారం అందుకున్న జనరల్‌ డైరెక్టరేట్‌ ఫర్‌ డ్రగ్‌ కంట్రోల్‌ అధికారులు, పక్కా ప్లానింగ్‌తో అదెల్‌ ముసల్లమ్‌ని అరెస్ట్‌ చేశారు. అరెస్టయిన అదెల్‌, సొంతంగా ఓ లేబరేటరీని నిర్వహిస్తూ తన డ్రగ్స్‌ వ్యాపారాన్ని కొనసాగిస్తున్నాడు. పెద్ద మొత్తంలో అతని నుంచి డ్రగ్స్‌ని స్వాధీనం చేసుకున్నారు అధికారులు. ఆర్డర్లు తీసుకుని మరీ యూరోపియన్‌ దేశాలకు అదెల్‌ డ్రగ్స్‌ సరఫరా చేస్తున్నట్లు అధికారులు గుర్తించారు. కాస్మొటిక్స్‌ రూపంలో డ్రగ్స్‌ని తరలిస్తున్నట్లుగా విచారణలో అదెల్‌ ముస్సలమ్‌ అంగీకరించాడు.