బ్రెజిల్‌ ఉత్తర ప్రాంతలోని రొరైమా రాష్ట్ర రాజధాని బవా విస్టా నగరంలో వున్న జైలులో ఆదివారం రాత్రి ఖైదీల మధ్య జరిగిన ఘర్షణల్లో 25 మంది మరణించినట్లు పోలీసులను ఉటంకిస్తూ స్థానిక మీడియా తన వార్తా కథనాలలో వెల్లడించింది. జైల్లో జరిగిన ఘర్షణలో మృతుల్లో ఏడుగురికి తల నరికివేశారని, మరో ఆరుగురిని సజీవ దహనం చేశారని పోలీసులు తెలిపారు. ఖైదీలలో ఒక వర్గం వారు మరో వర్గంపై దాడి చేసినపుడు ఈ ఘర్షణ చెలరేగింది. కత్తులు, కర్రల వంటి మారణాయుధాలు చేపట్టి ఖైదీలు తమ ప్రత్యర్థులపై దాడి చేశారని జైలులోనే వున్న ఖైదీలలో ఒకరి భార్య మీడియాకు చెప్పింది. ఖైదీలను సందర్శించేందుకు వారి బంధువులు వచ్చిన సమయంలో ఈ ఘర్షణ చెలరేగిందని, ఖైదీలకు చెందిన దాదాపు వంద మంది బంధితులను కొద్దిసేపు నిర్బంధించారని రొరైమా న్యాయశాఖ మంత్రి ఉజీల్‌ కాస్ట్రో వివరించారు.