ఒకప్పుడు ప్రేమ కథా చిత్రాలలో నటించి మెప్పించిన అందాల భామ త్రిష ప్రస్తుతం వైవిధ్యమైన పాత్రలలో నటిస్తూ ఒకప్పటి ఇమేజ్ ని అందుకోవాలని భావిస్తోంది. ఈ నేపధ్యంలో నాయకి అనే హర్రర్ కామెడీ చిత్రంతో ప్రేక్షకుల ముందుకు వచ్చింది. ఈ చిత్రం అభిమానులను కాస్త నిరాశపరచిన ఇప్పుడు మళ్ళీ అదే జానర్ లో మోహిని అనే సినిమాను రిలీజ్ కు రెడీ చేసింది. లండన్, థాయ్‌ల్యాండ్‌లలో షూటింగ్ జరుపుకున్న ఈ సినిమా షూటింగ్ పార్ట్ దాదాపుగా పూర్తైన క్రమంలో త్వరలోనే సినిమాను రిలీజ్ చేయాలని భావిస్తున్నారు. తాజాగా చిత్ర యూనిట్ ఫస్ట్ లుక్ ని విడుదల చేయగా ఇందులో త్రిష మోడ్రన్ అమ్మవారిలా కనిపిస్తోంది. ఆర్.మధేష్ దర్శకత్వంలో ఈ సినిమా తెరకెక్కుతుండగా త్రిష రేంజ్ కి తగ్గట్టుగానే స్టోరీని డిజైన్ చేసినట్టు చెబుతున్నారు.అయితే ఫస్ట్ లుక్ కి మంచి స్పందన వస్తోండగా ఇలాంటి పాత్రలో త్రిష ఎంత వరకు మెప్పిస్తోందా అని కొందరు ఆలోచలో పడ్డారు. మోహిని చిత్రం తెలుగు, తమిళ భాషలలో విడుదల కానుంది.