కార్తీ 'కాష్మోరా' హంగామా మొదలైంది. దీపావళి కానుకగా శుక్రవారం (అక్టోబర్ 28న) ప్రేక్షకుల ముందుకు రాబోతున్న కాష్మోరాపై అంచనాలు భారీగా పెరిగిపోయాయ్. కార్తీ మూడు విభిన్న గెటప్ లో నటిస్తుండటం.. వాటికి ట్రైలర్స్ తో మంచి స్పందన రావడం.. సినిమాలో యుద్ధ నేపథ్యం ఉండటం కాష్మోరాపై క్రేజ్ పెరిగిపోవడానికి కారణమయ్యాయి.
ఇప్పుడీ క్రేజ్ కి తగ్గట్టుగానే కాష్మోరా ప్రపంచ వ్యాప్తంగా 1700 థియేటర్స్ లో రిలీజ్ కాబోతోంది.కేవలం టాలీవుడ్ లోనే 600 థియేటర్స్ లో రిలీజ్ కానుంది. తెలుగులో కార్తీకి మంచి మార్కెట్ ఉంది. ఆ మార్కెట్ ని 'కాష్మోరా'తో వినియోగించుకోవాలని బయ్యర్లు ప్లాన్ చేస్తున్నారు. దాదాపు 60కోట్ల లోపు బడ్జెట్ తో తెరకెక్కిన కాష్మోరా బాక్సాఫీస్ దగ్గర కాసులు కురిపించడం ఖాయంగా కనిపిస్తోంది.మరి.. అది ఏ రేంజ్ లో అన్నది రేపటితో తేలిపోనుంది