చిన్నపిల్లలు చేసే అల్లరి పనులను ఇష్టపడని వారు ఎవరు ఉంటారు.. తల్లిదండ్రులు మాట్లాడే మాటలను చిన్నపిల్లలు యథాతథంగా మాట్లాడటం గురించి అందరికీ తెలిసిందే. ఆ చర్యను తల్లిదండ్రులు అమితంగా ఇష్టపడతారు. అయితే తల్లిదండ్రులు, బంధువుల మాటలను కాకుండా ఏకంగా దేశ పరిపాలకుడి వ్యాఖ్యలనే యూఏఈకి చెందిన ఓ పాప అనుకరించింది. యూఏఈ ఉపాధ్యక్షుడు, దుబాయ్ రాజు షేక్ మహమ్మద్ బిన్ రషీద్ అల్ మక్‌టౌమ్‌ను ఇమిటేట్ చేసి అందరి దృష్టిలో పడింది. ఓ మీటింగ్‌లో రషీద్ మాట్లాడిన మాటలను యథాతథంగా మాట్లాడుతుండగా దాన్ని వీడియో తీసి... ట్విటర్లో పెట్టారు. ఈ వీడియో సోషల్ మీడియాలో వైరల్ అయింది. ఏకంగా రాజును ఓ పాప ఇమిటేట్ చేయడంతో నెటిజన్లు ఈ వీడియోను తెగ షేర్ చేశారు. ఈ వీడియో కాస్తా రషీద్ వద్దకు చేరడంతో.. గురువారం దాన్ని చూసిన ఆయన తెగ మురిసిపోయాడు. ఆ పాపను కలవాలనుందని, తన వద్దకు తీసుకురావాల్సిందిగా అధికారులను ఆదేశించారు. ఇదే విషయాన్ని ట్విటర్లో పోస్ట్ చేశారు.. ఆ వీడియోను మీరూ చూడండి..