ఎక్కడైనా విరివిగా, చాలా తక్కువ ధరకే లభించే బొప్పాయిలోని ఔషధగుణాలు అమోఘం. పచ్చి బొప్పాయిలోని పెస్టిన్‌ అనే విటమిన్‌ మూత్ర వ్యాధుల్ని, గర్భ సంబంధిత వ్యాధుల్ని నియంత్రించడంలో బాగా ఉపయోగపడుతుంది. ఈ పండు గుజ్జులో హానికారక బాక్టీరియాను నియంత్రించే గుణం ఉంటుంది. ఒక్కోసారి యాంటి బయాటిక్స్‌ వాడిన తరువాత మన శరీరంలో చెడు చేసే బాక్టీరియానే కాకుండా మంచి చేసే బాక్టీరియా కూడా నశిస్తుంది. దాన్ని తిరిగి పొందేందుకు బొప్పాయి ఎంతో ఉపయోగకరం. బొప్పాయిలోని పీచు పదార్ధం గుండె జబ్బుల్ని, జీర్ణకోశ వ్యాధుల్నీ దరి చేయనీయకుండా చేస్తుంది. కొవ్వుని కూడా తగ్గిస్తుంది. బొప్పాయి గుజ్జును ఫేస్‌ ప్యాక్స్‌లో కూడా వాడతారు. దీన్ని వాడడం వల్ల ముఖం మృదువుగా, కాంతివంతంగా మారుతుంది. బొప్పాయిని ప్రతిరోజూ తీసుకోవడం వల్ల మతిమరుపు రాదు. వయసుతో పాటు వచ్చే చర్మం ముడతలను కూడా నియంత్రించుకోవచ్చు. ఇందులో ఉండే విటమిన్‌ సి కాన్సర్‌ కణాలను నియంత్రించడంలో ఉపయోగపడుతుంది. స్థూలకాయులకు, మధుమేహం ఉన్న వారికి బొప్పాయి మంచి ఔషధం.