నేరాలను అదుపులోకి తెచ్చేందుకు ఎంత కఠిన చట్టాలు చేసినా సౌదీలో మాత్రం ఆకతాయిల ఆగడాలు మితిమీరిపోతున్నాయి. ముఖ్యంగా మహిళలపై వేధింపుల పర్వానికి కొందరు దుండగులు తెరతీస్తున్నారు. అందుకే అలాంటి వారి నుంచి తప్పించుకునేందుకు మర్యామ్ అల్ సుబాయ్ అనే ఓ సౌదీ మహిళ వినూత్న నిర్ణయం తీసుకుంది. రియాద్‌కు చెందిన ఆమె.. ఓ మొబైల్ షాప్‌ను నిర్వహింస్తూ... మహిళలకు మాత్రమే అనే బోర్డ్ పెట్టింది. రీచార్జి కోసం నెంబర్ తీసుకోవడం.. దాని ద్వారా బెదిరింపులకు పాల్పడటం, అసభ్య సందేశాలు పంపడం వంటివి చేస్తుంటారని అందుకే వాటి నుంచి  స్త్రీలను బయటపడేలా చేసేందుకు ఈ నిర్ణయం తీసుకున్నానని చెబుతోందామె. రిపేరుకు వచ్చిన ఫోన్లు, ల్యాప్‌టాప్స్‌లో ఉన్న ఫోటోలను తీసుకుని కొందరు చెడు ప్రయోజనాలకు వాడుతుంటారని, అలాంటి సంఘటనలు ఎన్నో జరిగాయని సుబాయ్ చెబుతోంది. మరి ఆ షాప్‌కు సంబంధించిన వీడియోను మీరూ ఓ లుక్కేయండి...