తెలుగు ఇండస్ట్రీలో దాదాపు పది సంవత్సరాల తర్వాత వెండితెరపై మెరవబోతున్న మెగాస్టార్ చిరంజీవి 150 చిత్రం 'ఖైదీ నెం.150' షూటింగ్ షరవేగంగా జరుగుతుంది. ప్రస్తుతం 80 శాతం పూర్తి చేసుకున్న ఈ చిత్రం క్లైమాక్స్ మినహా సినిమా అంతా కంప్లీట్ అయిపోయింది. ఇక పాటల మాత్రమే బ్యాలెన్స్ ఉందట. అయితే చిరంజీవి సాంగ్స్ అంటే దాదాపు అన్ని హిట్ సాంగ్స్ ఉంటాయి కనుక పాటల చిత్రీకరణ కూడా చాలా రిచ్ గా తీయబోతున్నారట. అంతే కాదు దీపావళికి రిలీజైన పోస్టర్స్ సినిమాపై అంచనాల్ని రెట్టింపుచేస్తున్నాయి. నిజంగా ఈ సినిమా బాస్ ఈజ్ బ్యాక్ లాంటిదే అంటున్నారు.

తాజాగా ఓ పాట చిత్రీకరణ కోసం ఇద్దరు స్టార్స్ ఒకే లొకేషన్ ఎంచుకోవడం యాధృచ్చికమే అయిన ఆ లోకేషన్ మాత్రం అద్భుతంగా ఉంటుందట.
ప్రస్తుతం "టన్నెల్ ఆఫ్ లవ్" అనే ప్రదేశంలో ఒక పాట చిత్రీకరణ జరగనున్నట్టు తెలుస్తుంది. అయితే ఈ మద్య కాలంలోనే ఆ లొకేషన్ లో స్టార్ డైరెక్టర్ శంకర్, సూపర్ స్టార్ రజినీకాంత్ రోబో 2 షూటింగ్ జరుపుకున్నారట.
ఉక్రెయిన్ లో ఒకానొక రైల్వే స్టేషన్ గా నిలిచిన ఈ ప్రదేశం అందాలకు కేరాఫ్ అడ్రాస్ గా నిలుస్తుందట. అయితే ఇలాంటి ప్రదేశంలో షూటింగ్ అంటే భారీ ఖర్చుతో కూడుకున్న పనే..కానీ చిరంజీవి మాత్రం ఎక్కడా రాజీపడటం లేదట. అయితే ఖైదీ నంబర్ 150 రజినీ 'రోబో 2' కంటే ముందే విడుదల అవుతుంది కనుక ఆ అందాలు మనం ముందుగానే చూడచ్చు.