మస్కట్‌: మస్కట్‌లోని యూఎస్‌ ఎంబసీ, ఒమన్‌ నుంచి యూఎస్‌ వెళ్ళాలనుకునేవారు వీసా తప్పనిసరిగా పొందాల్సి ఉంటుందనీ, వీసా వైవర్‌ ప్రోగ్రామ్‌ (విడబ్ల్యుపి)లో ఉన్న 38 దేశాల్లో ఒమన్‌కి చోటు దక్కలేదని పేర్కొంది. మినిస్ట్రీ ఆఫ్‌ ఫారిన్‌ ఎఫైర్స్‌ కూడా ఇప్పటికే సోషల్‌ మీడియా ద్వారా ఒమనీ జాతీయులకు వీసా వైవర్‌ ఉందంటూ వచ్చిన వార్తల్ని ఖండించింది. యూఎస్‌ఏ రేడియో వెబ్‌సైట్‌, ఒమన్‌ పాస్‌పోర్ట్‌దారులు వీసా లేకుండా యూఎస్‌ వెళ్ళవచ్చునని పేర్కొనడంతో ఈ గందరుగోళం చోటు చేసుకుంది. పర్యాటకం, వ్యాపార అవసరాల కోసం యూఎస్‌ వెళ్ళేవారికి వీసా వైవర్‌ వర్తిస్తుందని ఆ రేడియో ఛానల్‌ వెల్లడించింది. అయితే ఆ సమాచారం అంతా తప్పని యూఎస్‌ ఎంబసీ అధికార ప్రతినిథి క్రిస్టీ వాట్కిన్స్‌ స్పష్టం చేశారు.