ఎమిర్‌ షేక్‌ తమీమ్‌ బిన్‌ హమాద్‌ అల్‌ థని, గురువారం లా నెంబర్‌ 13 - 2016ని విడుదల చేశారు. పర్సనల్‌ డేటా ప్రొటెక్షన్‌కి సంబంధించిన చట్టమిది. అధికారిక గెజిట్‌లో ప్రచురితమైనప్పటినుంచీ ఈ చట్టం అమల్లోకి రానుంది. పర్సనల్‌ డేటా ప్రొటక్షన్‌కి సంబంధించి కొన్ని విధి విధానాల్ని ఖరారు చేస్తూ జూన్‌లో క్యాబినెట్‌ నిర్ణయం తీసుకుంది. వ్యక్తిగత సమాచారాన్ని ఆయా వ్యక్తుల అనుమతి లేకుండా తెలుసుకోవడం, ప్రచారంలోకి తీసుకురావడం, ఇతర అవసరాలకు వినియోగించడం వంటివి ఈ చట్టం ప్రకారం నిషేధించబడ్తాయి. సంస్థలు వ్యక్తుల వ్యక్తిగత సమాచారంపై పూర్తిస్థాయి భద్రత కల్పించవలసి ఉంటుంది. తమ వద్దనున్న సమాచారాన్ని ఏ సంస్థ కూడా ఆయా వ్యక్తుల అనుమతి లేకుండా ఎవరికీ అప్పగించరాదు. హ్యాకింగ్‌ వంటి చర్యలకు అతీతంగా డాటా బ్యాంక్‌కి రక్షణ కల్పించగలగాలి. నిబంధనలు ఉల్లంఘించినవారిపై చట్టపరమైన చర్యలు తప్పవని ఈ కొత్త చట్టం చెబుతోంది.