సౌదీ అరేబియా షురా కౌన్సిల్‌, మహిళల డ్రైవింగ్‌కి సంబంధించి చేసిన సూచనలు తోసిపుచ్చబడ్డాయి. ఈ విషయాన్ని షురా మెంబర్‌ ఒకరు వెల్లడించారు. మహిళలకు సంబంధించి కట్టుదిట్టమైన నిబంధనలు అమలు చేస్తున్న దేశాల్లో సౌదీ అరేబియా ఒకటి. అయితే కౌన్సిల్‌లో ఈ అంశం చర్చకు వచ్చే సమయంలో అనుకూలంగా సగం మంది మద్దతు ఇవ్వాల్సి ఉంటుంది. కానీ ఆ స్థాయిలో మద్దతు లభించకపోవడంతో ఈ వ్యవహారం వీగిపోయింది. మహిళలు డ్రైవింగ్‌ నేర్చుకోవడం అనేది టెక్నికల్‌గా సమస్య కానప్పటికీ, సంప్రదాయాలకు సంబంధించి ఇది ఓ పెద్ద సమస్యగా మారింది. అయితే కింగ్‌డమ్‌లో గతంతో పోల్చితే ఇప్పుడు మహిళలకు మెరుగైన అవకాశాలు లభిస్తున్నాయని షురా కౌన్సిల్‌ వర్గాలు వెల్లడించాయి. ఇంకో వైపున నేషనల్‌ ట్రాన్స్‌ఫార్మేషన్‌ ప్రోగ్రామ్‌లో భాగంగా 2020 నాటికి మహిళా వర్క్‌ ఫోర్స్‌ 23 శాతం నుంచి 28 శాతానికి పెరగనుంది.