బహ్రెయిన్‌ ఇంటర్నేషనల్‌ ఎగ్జిబిషన్‌ అండ్‌ కన్వెన్షన్‌ సెంటర్‌లో డిసెంబర్‌ 1, 2 తేదీల్లో జరగనున్న బహ్రెయిన్‌ ఇండియా వీక్‌ 2016లో ఇరు దేశాలకు చెందిన ప్రముఖ సంస్థలు కొత్త కొత్త ఐడియాలతో తమ ప్రత్యేకతను చాటుకోనున్నాయి. బి 2 బి సెషన్స్‌, కల్చరల్‌ పెర్ఫామెన్సెస్‌ మరియు ఇతర యాక్టివిటీస్‌ ఈ కార్యక్రమంలో హైలైట్‌ కానున్నాయి. ఇండియన్‌ అంబాసిడర్‌ అలోక్‌ కుమార్‌ సిన్హా మాట్లాడుతూ, ఇండియా - బహ్రెయిన్‌ మధ్య వ్యాపార సంబంధాలు మరింత మెరుగపడేందుకు ఈ ఈవెంట్‌ ఉత్ప్రేరకంగా పనిచేస్తుందని ఆశాభావం వ్యక్తం చేశారు. రానున్న దశాబ్ద కాలంలో ఇండియా డబుల్‌ డిజిట్‌ గ్రోత్‌ రేట్‌ సాధిస్తుందని ఆయన చెప్పారు. బహ్రెయిన్‌ ఛాంబర్‌ ఆఫ్‌ కామర్స్‌ అండ్‌ ఇండస్ట్రీస్‌ (బిసిసిఐ) ఛైర్మన్‌ ఖాలిద్‌ అలమోయెద్‌ మాట్లాడుతూ, బహ్రెయిన్‌ ప్రోగ్రెస్‌లో ఇండియన్స్‌ పాత్ర ఎక్కువగా ఉండటం ఆనందదాయకమైన విషమన్నారు. ఈ సందర్భంగా భారత పార్లమెంటు సభ్యుడు మనోజ్‌ తివారీ మాట్లాడుతూ, ఎంటర్‌టైన్‌మెంట్‌ ఇండస్ట్రీ ఇరు దేశాల మధ్య స్ట్రాంగ్‌ ఎకనమిక్‌ మరియు కల్చరల్‌ టైస్‌ కోసం ఉపయోగడపాలని ఆకాంక్షించారు.