అమెరికాలోని ఒక్లహోమా రాష్ట్రంలో ఆదివారం రాత్రి భారీ భూకంపం సంభవించింది. రిక్టర్‌ స్కేల్‌పై దీని తీవ్రత 5.3గా నమోదైంది. ఓక్లహోమా రాజధాని ఓక్లహోమా సిటీ నుంచి 50 మైళ్ల దూరంలో ఉన్న కషింగ్‌, ఆర్కాన్సాస్‌, కాన్సాస్‌, మిస్సోరి ప్రాంతాల్లో భూకంప తీవ్రతతో భవనాలు నేలకొరిగాయి. అయితే ప్రాణనష్టం సంభవించలేదని అధికారులు వెల్లడించారు.
వారం రోజుల క్రితం ఓక్లహోమాలో 4.5 తీవ్రతతో స్వల్ప భూకంపం సంభవించింది. గత ఏడాదిలో 3కు పైగా తీవ్రతతో 1,010 భూకంపాలు సంభవించినట్లు అధికారులు చెబుతున్నారు.హైడ్రాలిక్‌ ఫ్రాక్చరింగ్‌ కారణంగా ఈ ప్రాంతంలో భూకంపాలు ఎక్కువగా సంభవిస్తున్నట్లు శాస్త్రవేత్తలు వెల్లడించారు.