నిజమే.. కమల్.. ఓ ప్రయోగ శాల. అక్కడ ఎన్నో ప్రయోగాలు జరుగుతుంటాయ్. నిత్యం ఏదో ఓ కొత్త పాత్రకై అన్వేషణ సాగుతుంటుంది. ఇప్పటికే ఎన్నో పాత్రల్లో చూశాం.. తరించాం. అయినా ఆ ప్రయోగశాలలో ప్రయోగాలు చేయడం ఆగదు. అది కొనసాగుతూనే ఉంది.
ఒకొక్కసారి కమల్ ప్రయోగం విఫలం కావొచ్చు. అతని ఆలోచనలు విమర్శల్ని ఎదుర్కోవచ్చు. కమల్ నిర్మాతలు ఆర్థికంగా నష్టాల పాలవ్వొచ్చు. కానీ కమల్ మాత్రం ఓ నటుడిగా ఎప్పుడూ ఫెయిల్ కాలేదు. ఓ దర్శకుడిగా ఎప్పుడూ ఎవ్వరినీ నొప్పించలేదు. అందుకే.. కమల్ అంటే అప్పటికీ, ఇప్పటికీ అదే క్రేజ్.
సినిమా తప్పితే మరో ప్రపంచం తెలియని కమల్.. 60యేళ్లు దాటినా అదే ప్రయోగం కోసం ఆరాటం. ఇప్పటికే దశావతారాలని చూపించేశాడు.

ఏ నటుడు చేయని ప్రయోగాలు చేశాడు. నటుడు గానూ, దర్శకుడు గానూ, నిర్మాతగానూ.. కమల్ ప్రయోగాలు చేశాడు. కమల్ కొత్త ప్రయోగం 'శభాష్ నాయుడు'. ఈ చిత్రం మధ్యలో కమల్ గాయలయ్యాయి. ప్రస్తుతం విశ్రాంతి తీసుకొంటున్న కమల్ శభాష్ నాయుడుని జెడ్ స్వీడుతో పూర్తి చేసుకునేందుకు రెడీ అవుతున్నాడు.
అయితే, ఈసారి కమల్ బర్త్ డే వేడుకలకి దూరంగా ఉండాలని అభిమానులకి సూచించాడు కమల్. తమిళనాడు సీఎం జయలలిత ఆస్పత్రిలో చికిత్స పొందుతున్న కారణంగా బర్త్ డే వేడుకలకు దూరంగా ఉండాలని నిర్ణయించినట్లు కమల్ అభిమానులకు తెలిపాడు. అయినా కమల్ అభిమానులు ఉండలేక. అభిమాన కథానాయకుడికి.. మనసులోనే శుభాకాంక్షలు తెలియజేస్తున్నారు అభిమానులు. 63యేళ్ల వడిలోకి అడుగుపెట్టిన కమల్ కి జన్మదిన శుభాకాంక్షలు తెలియజేస్తోంది.. మీ తెలుగు మూవీస్ డాట్ కామ్.