గత ఐదు ట్రేడింగ్‌ల్లో పెరుగుతూ వచ్చిన బంగారం ధర సోమవారం తగ్గింది. 10గ్రాముల స్వచ్ఛమైన పసిడి రూ.300 తగ్గి రూ.31వేల దిగువకు పడిపోయింది. అమెరికా అధ్యక్ష ఎన్నికలు సానుకూలంగా ఉంటాయన్న సంకేతాలు బంగారం తగ్గుదలకు కారణమని బులియన్‌ మార్కెట్‌ వర్గాలు తెలిపాయి. అంతేకాకుండా డాలర్‌ మరింత బలపడనుందన్న అంశం కూడా బంగారం తగ్గుదలకు కారణమైంది. దేశ రాజధానిలో 10గ్రాముల పసిడి రూ.30,700గా పలుకుతోంది. డెమోక్రటిక్‌ పార్టీ అభ్యర్థి హిల్లరీకి ఎఫ్‌బీఐ క్లీన్‌ చిట్‌ ఇవ్వడంతో మార్కెట్లు సైతం సానుకూలంగా స్పందించాయి.మరోపక్క వెండి ధర కూడా స్వల్పంగా తగ్గుదలను నమోదు చేసింది.కిలో వెండి ధర రూ.450 తగ్గి రూ.43,600 పలికింది. ఆభరణాల తయారీదారుల నుంచి కొనుగోళ్లు మందగించడం బంగారం, వెండి ధరల తగ్గుదలకు కారణమని ట్రేడింగ్‌ వర్గాలు తెలిపాయి