మనామా: క్యాపిటల్‌ సిటీలోని కొన్ని రోడ్లను రోడ్‌సైడ్‌ వెండర్స్‌ ఆక్రమించుకోవడంతో ట్రాఫిక్‌ సమస్యలతోపాటు, సాధారణ ప్రజానీకం కూడా తీవ్ర ఇబ్బందులు ఎదుర్కొనేలా చేస్తోంది. గుడైబియా ప్రాంతంలో ఈ సమస్య చాలా ఎక్కువగా ఉంటోంది. ఈ రోడ్‌ సైడ్‌ వెండర్స్‌ కారణంగా సిటీ అందాలు దెబ్బతింటున్నాయనే విమర్శలు వ్యక్తమవుతున్నాయి పౌరుల నుంచి. అధికారులు తగిన చర్యలు తీసుకుంటున్నా, రోడ్‌ సైడ్‌ వెండర్స్‌ అప్పటికప్పుడు అక్కడినుంచి వెళ్ళిపోయి తిరిగి వచ్చేస్తున్నారు. తమ వ్యాపారాల్ని పర్మనెంట్‌ స్ట్రక్చర్స్‌గా మార్చేసుకుంటుండడంతో సమస్య తీవ్రతరమవుతోంది. ఎలక్ట్రానిక్‌ గాడ్జెట్స్‌, ఫ్రూట్స్‌ మరియు వెజిటబుల్స్‌, టెక్స్‌టైల్స్‌, కాస్మెటిక్స్‌ వంటి అమ్మకాల్ని పుట్‌ పాత్‌ నుంచి రోడ్ల మీదకు తీసుకొచ్చేస్తున్నారు. గుడైబియా వాసులు అధికారుల్ని ఈ సమస్యపై పదే ప్రశ్నిస్తున్నారు, అభ్యర్థిస్తున్నారు కూడా. అయితే ఈ చిన్న చిన్న వ్యాపారాల మీదనే తమ జీవనం ఆధారపడి ఉందని వెండర్స్‌ చెప్పడం జరుగుతోంది.