విమానంలో విషసర్పం...ఇదేదో సినిమా టైటిల్ కాదు...పచ్చినిజం. మెక్సికోకు చెందిన ఓ విమానంలో పాము కనిపించింది. దీన్ని చూసిన ప్రయాణికులు హడలెత్తిపోయారు. టోర్రెన్ నుంచి మెక్సికో వెళ్తున్న విమానంలో ఓ ప్రయాణికుడి సీటుపై పాము కనిపించింది. లగేజ్ కంపార్ట్‌మెంట్ నుంచి గ్రీన్‌రెప్‌టైల్‌కు పాము రావడాన్ని చూసిన ప్రయాణికులు భయంతో వణికిపోయారు. దాదాపు మూడ మీటర్లు ఉన్న ఈ విషసర్పం తప్పించుకోకుండా దానిపై బ్లాంకెట్లు వేశారు. దీంతో పాము బ్లాంకెట్ల మధ్యే చిక్కుకుపోయింది. పాము సంగతి తెలుసుకున్న పైలెట్లు వెంటనే మెక్సికో ఎయిర్‌పోర్టుకు సమాచారం అందించారు. పది నిమిషాల్లో విమానం మెక్సికో ఎయిర్‌పోర్టులో ల్యాండ్ అయ్యింది.అక్కడే సిద్ధంగా ఉన్న యానిమల్ కంట్రోల్ వర్కర్లు పామును పట్టేశారు. దీంతో ప్రయాణికులకు టెన్షన్ తగ్గింది. అయితే మరోసారి ఇలాంటి ఘటనలు జరుగకుండా జాగ్రత్తలు తీసుకుంటామని అధికారులు చెబుతున్నారు. విమానంలో పాము ఎలా దూరిందన్న దానిపై ఆరా తీస్తున్నారు.