అక్కినేని వారసుల ప్రేమాయాణాలు పెళ్లిళ్ల వరకు వచ్చేశాయి. నాగచైతన్య తన పెళ్లి వ్యవహారాన్ని సాగదీస్తున్నా.. అఖిల్‌ మాత్రం ముందే పెళ్లి చేసేసుకుంటున్నాడు. ఇటలీలోని రోమ్‌లో అఖిల్‌ పెళ్లి జరుగనుంది. ఈ విషయాన్ని చైతూ కన్ఫామ్‌ చేశాడు. 
'నాకంటే ముందు తమ్ముడి పెళ్లి జరగడం హ్యాపీ. ఎందుకంటే నన్ను వదిలేసి అందరూ అఖిల్‌పై దృష్టి పెడతారు. ఆ తర్వాత నేను ప్రశాంతంగా పెళ్లి చేసుకుంటాను. అఖిల్‌ పెళ్లి ఇటలీలోని రోమ్‌లో జరుగుతుంది. నా పెళ్లి మాత్రం ఇండియాలోనే జరుగుతుంది. అయితే హైదరాబాద్‌లోనా, చెన్నైలోనా అనేది ఇంకా తేల్చుకోలేదు. 'ఏమాయచేశావే' సినిమలోలా ముందు చర్చ్‌లోనూ, తర్వాత గుళ్లోనూ చేసుకుంటే బాగుంటుందేమోన'ని చైతన్య అన్నాడు.