అక్కినేని తరంలో సరికొత్త అందగాడు అఖిల్ హీరోగా నటిస్తున్న తొలి సినిమా పోస్టర్లు సోషల్ మీడియాలో విడుదలయ్యాయి. సినిమా పేరు కూడా 'అఖిల్' అనే ఈ పోస్టర్లలో ఉంది. వి.వి. వినాయక్ దర్శకత్వంలో హీరో నితిన్ నిర్మాతగా వ్యవహరిస్తున్న ఈ సినిమాకు సంబంధించిన తొలి పోస్టర్లను అఖిల్ తండ్రి అక్కినేని నాగార్జున ట్విట్టర్ ద్వారా షేర్ చేశారు. తన కొడుకు అఖిల్ కు అభినందనలు తెలుపుతూ, పోస్టర్లు చాలా బాగున్నాయని కామెంట్ చేశారు. దాంతో అఖిల్ కూడా 'థాంక్యూ నాన్నా' అంటూ కామెంట్ పెట్టారు. మరో హీరో సచిన్ జోషి కూడా ఈ సందర్భంగా కాబోయే హీరో అఖిల్ కు అభినందనలు తెలిపాడు.