స్వాతంత్రం లేదిక్కడా
సంతోషం లేదిక్కడా
ఐన వారందరినొదిలి
నరకయాత్రానుభవిస్తు
చావలేక,బ్రతుకలేక
ఎడారి దేశంలో ఎండుతున్నాం
ఐనవారు గుర్తొచ్చి కన్నీరు కారుస్తున్నాం..

తెలంగాణ గడ్డపై బ్రతుకు త్రోవలేక
గుడ్డలేసుకున్న మేము గొడ్డుకన్న--
హీనంగా బ్రతుకుతున్నామిక్కడా..

అన్న కేసి ఆర్ గారు
మా బ్రతుకులు మారుస్తావని
మా కన్నీరు తీరుస్తావని
మిమ్మల్ని గెలిపించుకున్నాం...

ఆదుకో ఆదుకో
ఈ అన్నదమ్ములను
మా గల్ఫ్ బ్రతుకులకు
బంగారు బాట వేసి
మరో మహాత్మునిగా
మా గుండెల్లో నిలిచిపో...

జై తెలంగాణ!!
జై జై తెలంగాణ!!
 
(దయచేసి గల్ఫ్ లో బ్రతుకుతున్న మమ్మల్ని
మనుషులుగా మరియు భారత పౌరులుగా గుర్తించి,
నా తల్లి భరత వాణిలో ఊపాది కలిపిస్తారని)
ఆశిస్తు...
జై హింద్!!
~శేఖర్.మల్యాల