బాలీవుడ్‌ షహెన్‌షా అమితాబ్‌ బచ్చన్‌ తన తర్వాతి చిత్రం 'సర్కార్‌ 3' కోసం గణేశ్‌ హారతి పాట పాడారట. 'సర్కార్‌ 2'కి కొనసాగింపుగా ప్రముఖ దర్శకుడు రామ్‌గోపాల్‌వర్మ తెరకెక్కిస్తున్న ఈ చిత్రం షూటింగ్‌ సమయంలో తీసిన ఫొటోను అమితాబ్‌ తన ట్విట్టర్‌ ఖాతా ద్వారా అభిమానులతో పంచుకున్నారు. 'సర్కార్‌ 3 కోసం ప్రార్థిస్తున్నాను, గణేశుడికి హారతి ఇస్తున్నా.. ఈ పాటను నేనే పాడా' అని అమితాబ్‌ ట్వీట్‌ చేశారు.
జుహూ బీచ్‌లో చిత్రీకరించిన ఈ పాట కోసం సీరియస్‌ లుక్స్‌తో ఉన్నట్లు బిగ్‌బి చెప్పారు. ఈ చిత్రంలో యామీ గౌతమ్‌, జాకీ ష్రాఫ్‌, మనోజ్‌ బాజ్‌ పాయ్‌, రోనిత్‌ రాయ్‌, భరత్‌ దభోల్కర్‌ తదితరులు ప్రధాన పాత్రలు పోషిస్తున్నారు.