అమెరికా కొత్త అధ్యక్షుడిగా ఎన్నికైన డొనాల్డ్ ట్రంప్‌కి వ్యతిరేకంగా ఆందోళనలు కొనసాగుతున్నాయి. వాషింగ్టన్ స్టేట్ లోని సియాటెల్‌లో ట్రంప్‌కు వ్యతిరేకంగా ర్యాలీ నిర్వహించారు. ఈ సందర్భంగా ఉద్రిక్తత పరిస్థితులు నెలకొన్నాయి. ర్యాలీకి సమీపంలో కాల్పులు ఒక్కసారిగా కాల్పులు జరిగాయి. గుర్తు తెలియని వ్యక్తులే కాల్పులకు పాల్పడినట్టు సియాటెల్ పోలీసులు ప్రకటించారు. కాల్పుల్లో ఐదుగురు గాయపడ్డారని.. వీరిలో ఇద్దరి పరిస్థితి విషమంగా ఉందని తెలిపారు.  ట్రంప్‌ వ్యతిరేక ర్యాలీకి, కాల్పులకు ఏమైనా సంబంధం ఉందా అన్న కోణంలో విచారణ జరుపుతున్నారు.