మనీలా: అనుమానిత డ్రగ్‌ లార్డ్‌ యూఏఈలో అరెస్టయ్యాడు. అతన్ని స్వదేశానికి తీసుకొచ్చేందుకు ఫిలిప్పీన్‌ పోలీసులు ప్రయత్నిస్తున్నారు. యూఏఈలోని ఫిలిప్పీన్‌ అంబాసిడర్‌ నుంచి సంబంధిత లేఖ అందిందని, అనుమానిత డ్రగ్‌ లార్డ్‌ కెర్విన్‌ ఎస్పినోసా, స్టేట్‌ విట్‌నెస్‌గా మారేందుకు అవకాశం ఉన్నట్లు తెలిపారనీ, విట్‌నెస్‌ ప్రొటెక్షన్‌ ప్రోగ్రామ్‌లో చేరేందుకు అతను సమ్మతించాడని జస్టిస్‌ సెక్రెటరి విటాలినో అగ్రిరో చెప్పారు. తనకు అండదండలు అందిస్తున్నవారి వివరాల్ని వెల్లడించేందుకు సుముఖంగా ఉండటంతో మరిన్ని వివరాలు అతని నుంచి రాబట్టాల్సి ఉందని ఆయన వివరించారు. ఫిలిప్పిన్‌ నేషనల్‌ పోలీస్‌ టీమ్‌, అబుదాబీకి బయల్దేరారు. ఎస్పినోసాకి వీరు ఎస్కార్ట్‌గా వ్యవహరిస్తారు. మనీలాకి అతన్ని తీసుకెళ్ళాక, పిఎన్‌పి కస్టోడియల్‌ సెంటర్‌కి తరలిస్తారు, ఆ తర్వాత అతన్నుంచి వివరాల్ని సేకరిస్తారు. రోడ్రిగో డిటెర్ట్‌, ఎస్పినోసాని డ్రగ్‌ లార్డ్‌గా గుర్తించారు. అబుదాబీలో ఎస్పినోసా అక్టోబర్‌ 17న అరెస్టయ్యాడు. ఎస్పినోసా తండ్రి, అల్బెరా - లైట్‌ మేయర్‌ పోలీస్‌ షూటౌట్‌లో మరణించాడు.