సూపర్ స్టార్ మహేష్ హీరోగా డైరెక్టర్ ఏఆర్ మురుగదాస్ తెరకెక్కిస్తున్న కొత్త సినిమా ప్రస్తుతం శరవేగంగా షూటింగ్ జరుపుకుంటోంది. తాజాగా ఈ సినిమాకు సంబంధించి ఓ షెడ్యూల్‌ నెలరోజులుగా హైద్రాబాద్‌లో జరుగుతుంది. మహేష్‌పై పలు భారీ యాక్షన్ సన్నివేశాలను చిత్రీకరించిన టీమ్, షెడ్యూల్‌ను పూర్తి చేసేసింది. ఇదే నెల 24 నుంచి అహ్మదాబాద్‍లో మరో భారీ షెడ్యూల్ మొదలుకానుంది. అహ్మదాబాద్ షెడ్యూల్‌తో షూటింగ్ చివరిదశకు చేరుకుంటుందని సమాచారం. ఎన్.వి.ప్రసాద్, ఠాగూర్ మధు భారీ బడ్జెట్‍తో తెరకెక్కిస్తోన్న ఈ సినిమాపై ఇప్పటికే అంచనాలన్నీ తారాస్థాయిలో ఉన్నాయి. మహేష్ సరసన రకుల్ హీరోయిన్‌గా నటిస్తుండగా ఎస్.జె.సూర్య విలన్‌గా నటిస్తున్నారు.