సూపర్‌స్టార్ రజనీకాంత్ కెరీర్‌లో రోబో సినిమా అతిపెద్ద హిట్ సినిమాగా రికార్డులు సాధించింది. ప్రస్తుతం ఆ సినిమాకు సీక్వెల్‌గా వస్తున్న రోబో 2.0 సినిమాపై ప్రపంచ వ్యాప్తంగా ఆసక్తి నెలకొంది. ఇప్పటికే దాదాపుగా షూటింగ్ కూడా పూర్తి చేసుకున్న 2.0 ఫస్ట్‌లుక్‌ను నవంబర్ 20న విడుదల చేయనున్నారు. అయితే, ఈ లుక్‌కు సంబంధించిన పోస్టర్‌ను రజనీ ఇప్పటికే తన ట్విట్టర్‌లో పోస్ట్ చేశాడు. బ్లూ కలర్ బ్యాక్ గ్రౌండ్‌లో శంకర్ సినిమాల స్థాయికి ఏ మాత్రం తగ్గకుండా ఉన్న ఈ పోస్టర్‌పై వేసిన టైటిల్స్‌లో హీరో పేరుతో పాటు విలన్ అక్షయ్ కుమార్ పేరు కూడా వేశారు.