2019 స్పెషల్‌ ఒలింపిక్‌ గేమ్స్‌ అబుదాబీలో జరగనున్నాయి. వాషింగ్టన్‌లో జరిగిన సమావేశంలో స్పెషల్‌ ఒలింపిక్స్‌ ఇంటర్నేషనల్‌ బోర్డ్‌ ఆఫ్‌ డైరెక్టర్స్‌ ఈ మేరకు నిర్ణయం తీసుకున్నారు. అబుదాబీలో నిర్వహించనున్న స్పెషల్‌ ఒలింపిక్స్‌ వరల్డ్‌ గేమ్స్‌ చారిత్రాత్మకమైనవని స్పెషల్‌ ఒలింపిక్స్‌ ఛైర్మన్‌ తిమోతి ష్రివర్‌ చెప్పారు. ప్రపంచ వ్యాప్తంగా పలు ప్రాంతాల్లో పర్యటించి, అబుదాబీలోనే ఈ పోటీలు నిర్వహించడం సమంజసమని బోర్డ్‌ ఆఫ్‌ డైరెక్టర్స్‌ నిర్ణయం తీసుకున్నారు. మిడిల్‌ ఈస్ట్‌ రీజియన్‌లో తొలిసారి నిర్వహించనున్న స్పెషల్‌ ఒలింపిక్స్‌ కోసం తామూ ఎంతో ఉత్కంఠగా ఎదురు చూస్తున్నట్లు చెప్పారాయన.