తెలుగు .. తమిళ భాషల్లో కథానాయికగా అంజలికి మంచి క్రేజ్ ఉంది. అయితే ఇటీవల కాలంలో తెలుగులో సినిమాలు తగ్గించి, తమిళంలోనే ఎక్కువ సినిమాలు చేస్తోంది. త్వరలో ఒక అనువాద చిత్రం ద్వారా తెలుగు ప్రేక్షకులను పలకరించనుంది. తమిళంలో ఈ ఏడాది మార్చిలో వచ్చిన 'మపలా సింగం' సినిమా, తెలుగులో 'అల్లుడు సింగం' పేరుతో రానుంది. విమల్ కథానాయకుడిగా నటించిన ఈ సినిమాలో అంజలి లాయర్ గా .. పొలిటీషియన్ గా డిఫరెంట్ షేడ్స్ లో కనిపించనుంది. త్వరలోనే ఆడియో వేడుక జరుపుకుని, ప్రేక్షకుల ముందుకు రానుంది.