దుబాయ్‌: దుబాయ్‌ పోలీస్‌ కమాండర్‌ ఇన్‌ చీఫ్‌ లెఫ్టినెంట్‌ జనరల్‌ ఖామిస్‌ మట్టర్‌ అల్‌ మజెనా మృతి అనంతరం, ఆయన పేరుని అల్‌ కియాదా మాస్క్‌కి పెట్టారు. శుక్రవారం అల్‌ మెజనా అంత్యక్రియలు దుబాయ్‌లోని అల్‌ ఘుసైస్‌ గ్రేవ్‌యార్డ్‌లో నిర్వహించారు. అంతకుముందు జబీల్‌ మాస్క్‌లో ఫ్యునరల్‌ ప్రార్థనలు నిర్వహించారు. అల్‌ కియాదా మాస్క్‌ పేరుని అల్‌ మజెనా పేరుతో మార్పు చేయడంపై పోలీస్‌ అండ్‌ జనరల్‌ సెక్యూరిటీ డిప్యూటీ చైర్మన్‌ లెఫ్టినెంట్‌ జనరల్‌ దహి ఖల్ఫాన్‌ తమీమ్‌ మాట్లాడుతూ, అల్‌ మజెనాను స్మరించుకోవడానికి ఇదో అవకాశంగా భావిస్తున్నట్లు చెప్పారు. 33 ఏళ్ళకు పైగా దుబాయ్‌ పోలీస్‌ విభాగంలో ఎనలేని సేవలు అందించారు అల్‌ మజెనా. 2013లో అల్‌ మజెనా జనరల్‌ కమాండర్‌ ఆఫ్‌ దుబాయ్‌ పోలీస్‌గా ఎంపికయ్యారు. అంతకుముందు దుబాయ్‌ పోలీస్‌ డిప్యూటీ కమాండర్‌గా వ్యవహరించారు.