ఓ వలసదారుడికి డ్రగ్స్‌ ట్రేడ్‌లో పాల్గొన్నందుకు, అలాగే డ్రగ్స్‌ తీసుకుంటున్నందుకుగాను పదేళ్ళ జైలు శిక్షను, 20,000 ఖతారీ రియాల్స్‌ జరీమానాను విధించింది న్యాయస్థానం. డ్రగ్స్‌ ప్రివెన్షన్‌ డిపార్ట్‌మెంట్‌ - మినిస్ట్రీ ఆఫ్‌ ఇంటీరియర్‌, నిందితుడికి సంబంధించిన సమాచారం అందుకోగానే, ఇన్‌స్పెక్టర్స్‌ మెరుపు దాడుల్ని నిర్వహించారు. నిందితుడి ఇంట్లో దాచి ఉంచిన డ్రగ్స్‌ని వారు స్వాధీనం చేసుకున్నారు. ఇంకో వైపున ఐటీ షాపులు పైరేటెడ్‌ సాఫ్ట్‌వేర్‌ కాపీలను కలిగి ఉన్నందుకుగాను వాటికి జరీమానాలు విధించడం జరిగింది. దోహా న్యాయస్థానం, ఐటీ షాప్‌లకు 10,000 ఖతారీ రియాల్స్‌ జరీమానా విధించింది. ఒరిజినల్‌ సాఫ్ట్‌వేర్‌ని డూప్లికేట్‌ చేస్తున్నందుకుగాను న్యాయస్థానం ఈ జరీమానా విధించింది.