యూఏఈ కమ్మెమరేషన్‌ డే సందర్భంగా వైస్‌ ప్రెసిడెంట్‌ మరియు ప్రైమ్‌ మినిస్టర్‌ ఆఫ్‌ యూఏఈ, దుబాయ్‌ రూలర్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌, దేశం కోసం ప్రాణాలర్పించిన అమరవీరుల్ని స్మరించుకున్నారు. సివిల్‌, మిలిటరీ, హ్యుమానిటేరియన్‌ విభాగాల్లో ప్రాణాలు కోల్పోయినవారికి ఈ సందర్బంగా షేక్‌ మొహమ్మద్‌ ఘన నివాళులర్పించారు. ప్రతి సంవత్సరం నవంబర్‌ 30వ తేదీన అమరవీరుల త్యాగాల్నీ, వారి ధైర్య సాహసాల్ని గుర్తు చేసుకుంటూ కమ్మెమరేషన్‌ డే నిర్వహించుకోవడం జరుగుతోంది. యూఏఈ ఆర్మ్‌డ్‌ ఫోర్సెస్‌కి సంబంధించిన వివిధ విభాగాల్ని, సెక్యూరిటీ డిపార్ట్‌మెంట్స్‌నీ ఈ సందర్భంగా షేక్‌ మొహమ్మద్‌ అభినందించారు. అమరవీరుల వారసులుగా మనల్ని మనం గొప్పగా చెప్పుకునే రోజు ఇదనీ, ప్రతి ఒక్కరూ దేశం కోసం చిత్తశుద్ధితో పనిచేయాలని షేక్‌ మొహమ్మద్‌ చెప్పారు. అమరవీరుల కుటుంబాలకు తమ ప్రభుత్వం అండగా ఉంటుందని ఆయన వివరించారు.