ఈ ఏడాది జనతా గ్యారేజ్, మనమంతా, మన్యం పులి చిత్రాలతో తెలుగు ప్రేక్షకుల ముందుకు వచ్చిన మోహన్ లాల్ ఇప్పుడు మరో మలయాళ చిత్రాన్ని టాలీవుడ్ కి తీసుకురాబోతున్నాడు. 2016 ఓనం కానుకగా విడుదలైన ఒప్పం చిత్రంను కనుపాప టైటిల్ తో తెలుగులో డబ్ చేసి విడుదల చేయబోతున్నారు. డిసెంబర్ 30న ఈ చిత్రం విడుదల కానుంది. ప్రియదర్శన్ దర్శకత్వంలో తెరకెక్కిన ఒప్పం చిత్రంలో మోహన్ లాల్ అంధుడిగా కనిపించగా, ఈ చిత్రం దృశ్యం రికార్డులను చెరిపేసింది. మలయాళంలో ఇటీవల భారీ వసూళ్ళు సాధించిన పులిమురుగన్ చిత్రం తర్వాత ఒప్పం హయ్యెస్ట్ గ్రాసర్ గా నిలిచింది. క్రైమ్ థ్రిల్లర్ గా తెరకెక్కిన ఒప్పం చిత్రం హిందీ, కన్నడ భాషలలోను రీమేడ్ కానుందని చెబుతున్నారు.