దక్షిణ అండమాన్‌లో ఆగ్నేయ బంగాళాఖాతాన్ని ఆనుకుని తీవ్ర అల్పపీడనం కొనసాగుతోంది. దీంతోపాటు ఉపరితల ఆవర్తనం కొనసాగుతుందని వాతావరణశాఖ అధికారులు తెలిపారు. మరింతగా బలపడి రాబోయే 24 గంటల్లో వాయుగుండంగా మారి... తర్వాత తుపానుగా మారే అవకాశం ఉందని అధికారులు చెప్పారు. తుపానుగా మారితే ఏపీలో తీరం దాటే అవకాశం ఉంది. కేంద్ర వాతావరణ శాఖ నుంచి ముందస్తు హెచ్చరికలు వచ్చాయి. ఇప్పటికే అండమాన్‌లో వర్షాలు కురుస్తున్నాయని ఆయన తెలిపారు.