కాంగ్రెస్‌ అధినేత్రి సోనియా గాంధీ శుక్రవారం 70వ పడిలోకి అడుగుపెట్టారు. ఈ సందర్భంగా ప్రధాని నరేంద్రమోదీతో పాటు పలువురు ప్రముఖులు ఆమెకు పుట్టిన రోజు శుభాకాంక్షలు తెలిపారు. ఆమెకు మంచి ఆరోగ్యంతో కూడిన సుదీర్ఘ జీవితాన్ని భగవంతుడు ప్రసాదించాలని మోదీ ట్విట్టర్‌లో పేర్కొన్నారు.

మాజీ ప్రధాని మన్మోహన్‌ సింగ్‌తో పాటు పలువురు సీనియర్‌ కాంగ్రెస్‌ నేతలు సోనియా గాంధీని కలిసి శుభాకాంక్షలు తెలిపారు. కాంగ్రెస్‌ శ్రేణులు ఆమె నివాసం వద్ద భారీ ఎత్తున ఫ్లెక్సీలు ఏర్పాటు చేసి శుభాకాంక్షలు తెలిపాయి. ప్రధాని నోట్ల రద్దు నిర్ణయాన్ని కాంగ్రెస్‌ తీవ్రంగా వ్యతిరేకిస్తూ ఆందోళనలు నిర్వహిస్తున్న విషయం తెలిసిందే.