మనామా: ఇంటర్నెట్‌ డిస్కనెక్షన్‌కి సంబంధించి పెద్దయెత్తున వచ్చిన ఫిర్యాదులతో టెలికమ్యునికేషన్స్‌ రెగ్యులేటరీ అథారిటీ (టిఆర్‌ఎ) విచారణ చేపడుతున్నట్లు వెల్లడించింది. ట్విట్టర్‌ అక్కౌంట్‌ ద్వారా ఈ విషయాన్ని స్పష్టం చేసింది టిఆర్‌ఎ. కింగ్‌డమ్‌లోని పలు ఏరియాల్లో ఉన్నపళంగా పలువురు ఇంటర్నెట్‌ కనెక్షన్‌తో ఇబ్బంది పడ్డారు. కేబుల్స్‌లో సమస్యల వల్ల ఇంటర్నెట్‌ డిస్కనెక్షన్‌ సమస్య వచ్చినట్లుగా ప్రాథమికంగా అంచనా వేస్తున్నారు. విచారణలో పూర్తి సమాచారం బయటపడనుంది.