దోహా కోర్నిచ్‌లోని కొంత ప్రాంతం డిసెంబర్‌ 18న ఉదయం 6.30 నిమిషాల నుంచి 10 గంటల వరకు మూసివేయబడ్తుందని మినిస్ట్రీ ఆఫ్‌ ఇంటీరియర్‌ - జనరల్‌ డైరెక్టరేట్‌ ఆఫ్‌ ట్రాఫిక్‌ వెల్లడించింది. డైరెక్టర్‌ ఆఫ్‌ మీడియా అండ్‌ అవేర్‌నెస్‌ లెఫ్టినెంట్‌ కల్నల్‌ మొహమ్మద్‌ రది అల్‌ హజ్రి మాట్లాడుతూ, నేషనల్‌ డే సెలబ్రేషన్స్‌లో భాగంగా తమ వాహనాల్ని డెకరేట్‌ చేసుకోవాలనుకునేవారికి డిసెంబర్‌ 15 నుంచి 21 వరకు మాత్రమే అవకాశం ఉందనీ, ఆ తర్వాత వాహనాలకు డెకరేషన్‌ చేయడం పూర్తిగా నిషిద్ధమని చెప్పారు. కోర్నిచ్‌లోని ఖతార్‌ పోస్ట్‌ ఆఫీస్‌ నుంచి రస్‌ బుయాబూద్‌ ప్రాంతం వరకు కూడా ట్రాఫిక్‌ ఆంక్షలు ఉంటాయని ఆయన వివరించారు. పెరేడ్‌ని తిలకించాలనుకునేవారు ముందుగా ఆ ప్రాంతానికి చేరుకోవాలని, పార్కింగ్‌ ప్రాంతాల్ని సద్వినియోగం చేసుకోవాలని విజ్ఞప్తి చేశారు. తప్పిపోయినవారి సమాచారం కోసం పోలీసుల్ని ఆశ్రయించాలని కోరారు లెఫ్టినెంట్‌ హిజ్రి. నేషనల్‌ డే సెలబ్రేషన్స్‌ విజయవంతంగా జరిగేందుకు ప్రతి ఒక్కరూ సహకరించాలని, అందరూ ట్రాఫిక్‌ నిబంధనల్ని పాటించాలని ఆయన సూచించారు. ప్రైవేటు వాహనాలకన్నా ఏర్పాటు చేసిన పబ్లిక్‌ ట్రాన్స్‌పోర్టేషన్‌ని వినియోగించుకోవాలని విజ్ఞప్తి చేశారాయన.