అబుదాబీలోని అల్‌ వహ్‌దా మాల్‌ మరో గిన్నీస్‌ వరల్డ్‌ రికార్డ్‌ కోసం యత్నించింది. 9 మీటర్ల పొడవు, 5 మీటర్ల ఎత్తున్న జెయింట్‌ బైసికిల్‌ని ప్రదర్శనకు ఉంచారు. ఇది ప్రపంచంలోనే అతి పెద్ద నడపగలిగేందుకు వీలున్న బైక్‌ ఇది. కార్బన్‌ ఫుట్‌ ప్రింట్స్‌ని తగ్గించేందుకుగాను ఈ ప్రదర్శనను అవగాహనా కార్యక్రమంగా ఏర్పాటు చేశారు. ప్రముఖ కార్టూనిస్ట్‌, అలాగే పలు గిన్నిస్‌ వరల్డ్‌ రికార్డ్స్‌ని పొందిన గిన్నీస్‌ దిలీఫ్‌ దీన్ని రూపొందించారు. యూఏఈ 45వ నేషనల్‌ డే సందర్బంగా ఈ అటెంప్ట్‌ చేస్తున్నట్లు నిర్వాహకులు తెలిపారు. ఈ కార్యక్రమాన్ని సపోర్ట్‌ చేస్తున్నామనీ, ఆరోగ్యకరమైన సమాజం కోసం చేస్తున్న ఈ అవగాహనా కార్యక్రమం అభినందనీయమని అల్‌ వహ్‌దా మాల్‌ జనరల్‌ మేనేజర్‌ మిస్టర్‌ నౌమాన్‌ ఠాకూర్‌ చెప్పారు. ప్రతి ఒక్కరూ ఆరోగ్యంగా ఉండేందుకు సైకిలింగ్‌ ఎంతో ఉపకరిస్తుందని నిర్వాహకులు చెప్పారు. ఈ తమ ప్రయత్నంతో ఖచ్చితంగా గిన్నీస్‌ వరల్డ్‌ రికార్డ్‌ సాధిస్తామని వారు తెలిపారు.