బహ్రెయిన్‌ నేషనల్‌ డే సందర్భంగా శుక్రవారం బహ్రెయిన్‌ ఇంటర్నేషనల్‌ సర్క్యూట్‌ (బిఐసి) వద్ద ఆకాశంలో అత్యద్భుతమైన ఫైర్‌ వర్క్స్‌ ప్రదర్శన జరుగుతుంది. ఈ ఏడాది బిఐసి నేషనల్‌ డే ఫెస్టివల్‌లో ఇదే ప్రధాన ఆకర్షణ కానుంది. శనివారం నేషనల్‌ డే ఫెస్టివల్‌ జరగనుంది. కాగా, శుక్రవారం రాత్రి 7 గంటల నుంచి ఫైర్‌ వర్క్స్‌ షో ప్రారంభమవుతుంది. పెద్ద సంఖ్యలో ప్రతి యేడాదీ ఈ ఫైర్‌ వర్క్స్‌ని తిలకించేందుకు వస్తారు. ఈ ఏడాది కూడా అంగరంగ వైభవంగా కాంతులీనేలా ఆకాశాన్ని ఫైర్‌ వర్క్స్‌తో నింపేయనున్నారు నిర్వాహకులు. ఇంకో వైపున సంప్రదాయ షాపింగ్‌ ఎక్స్‌పీరియన్‌నసని కూడా ఇక్కడ ఏర్పాటు చేస్తున్నారు. అలాగే కార్పొరేట్‌ఎగ్జిబిషన్‌ స్పేస్‌, చిల్డ్రన్‌ యాక్టివిటీస్‌, ప్లే ఏరియా, కల్చరల్‌ షోస్‌, ఫుడ్‌ బెవరేజెస్‌ ఔట్‌లెట్స్‌ని కూడా ఇక్కడ అందుబాటులో ఉంచుతున్నారు. ఈ ఫెస్టివల్‌ని తిలకించేందుకుగాను ఎంట్రన్స్‌ ఫీజుని 500 ఫిల్స్‌గా నిర్ణయించారు. సాయంత్రం 4 గంటల నుంచి 10 గంటల వరకు తెరిచి ఉంటుంది.