మనామా: 20 ఏళ్ళ యువకుడికి కిడ్నానప్‌ కేసులో జైలు విక్ష పడింది. హై క్రిమినల్‌ కోర్ట్‌ ఆ యువకుడికి ఐదేళ్ళ జైలు శిక్ష విధించింది. బహ్రెయినీ వ్యక్తిని కిడ్నాప్‌ చేసి, శారీరకంగా హింసించినట్లు నిందితుడిపై ఆరోపణలు రుజువయ్యాయి. తన కజిన్‌తో ఇంకో యువకుడు సంబంధం కొనసాగిస్తున్నాడన్న అనుమానంతో నిందితుడు ఈ దారుణానికి ఒడిగట్టినట్లు కోర్టు ఫైల్స్‌ చెబుతున్నాయి. కజిన్‌పై ఒత్తిడి చేసి, బాధితుడ్ని జుఫైర్‌కి రప్పించి, నిందితుడు అతని స్నేహితులు కారులోకి లాగి, కళ్ళకు గంతలు కట్టారు. ఆ తర్వాత రెండు గంటలపాటు అతన్ని బంధించారు. రెండు గంటలపాటు తనపై దాడి చేశారనీ, ఆ తర్వాత తనను విడిచిపెట్టారని బాధితుడు తెలిపాడు. తన ఫోన్‌ని కూడా నిందితులు లాక్కున్నట్లు బాధితుడు చెప్పాడు.