రమదాన్‌ పవిత్ర ఉపవాసాలు 2017 మే 25 నుంచి ప్రారంభమయ్యే అవకాశాలున్నాయి. జూన్‌ 25తో ఈ ఉపవాస దీక్షలు ముగిసే అవకాశం ఉందని మూన్‌ సైటింగ్‌ రిపోర్ట్స్‌ని బట్టి అర్థమవుతోంది. రమదాన్‌ మాసం ముగిసే రోజు ఈద్‌ అల్‌ ఫితర్‌ ఇస్లామిక్‌ సెలవు దినం. జూన్‌ 25, 2017 అంటే అది ఆదివారం కానుంది. యూఏఈలో రమదాన్‌ సందర్భంగా పని గంటల్ని రెండు గంటల పాటు తగ్గించడం జరుగుతుంటుంది. న్యూ మూన్‌ సైటింగ్‌తో రమదాన్‌ ప్రారంభమవుతుంది. ఇస్లామిక్‌ క్యాలెండర్‌లో తొమ్మిదో నెలలో ఇది వస్తుంది. రమదాన్‌ మాసంలో పగటి పూట ఆహారం ఏమాత్రం తీసుకోకుండా ఉపవాస దీక్షల్ని స్వీకరిస్తుంటారు ముస్లిం సోదరులు. వాతావరణ పరిస్థితుల్ని బట్టి రమదాన్‌ పండగ ఒకరోజు అటు ఒకరోజు ఇటూగా ఉండొచ్చు. ఎందుకంటే మూన్‌ సైటింగ్‌ తర్వాతే రమదాన్‌ పండుగను జరుపుకుంటారు కాబట్టి. వేసవి కాలంలో రమదాన్‌ ఫాస్టింగ్‌ ఎక్కువ గంటలపాటు ఉంటుంది. అదే ఇతర కాలాల్లో మాత్రం తక్కువ సమయం ఫాస్టింగ్‌ ఉంటుంది.